आखाडा । (नचिकेत चौधरी) जळगाव : सामाजिक आणि क्रीडा क्षेत्रात सदैव अग्रेसर असणारे, महाराष्ट्र राज्याचे पाणीपुरवठा व स्वच्छता मंत्री तथा जळगाव जिल्ह्याचे पालकमंत्री नामदार गुलाबरावजी पाटील साहेब यांचे स्वीय सहाय्यक मा. श्री. नवलसिंग राजे पाटील यांच्या कार्याची दखल आता राष्ट्रीय स्तरावर घेण्यात आली आहे. पंजाब येथे आयोजित होणाऱ्या राष्ट्रीय व्हॉलीबॉल स्पर्धेसाठी त्यांना ‘प्रमुख अतिथी’ (Chief Guest) म्हणून विशेष आमंत्रण देण्यात आले आहे.
गुर्जर समाजातील तसेच खान्देशातील युवकांना क्रीडा क्षेत्रात हक्काचा मंच मिळवून देण्यासाठी नवलसिंग राजे पाटील यांनी नेहमीच पुढाकार घेतला आहे. जळगाव शहरातील ‘GPL’, चोपडा येथील ‘VGCL’ आणि सुरत येथील ‘GSPL’ क्रिकेट लीगसह अनेक छोट्या-मोठ्या स्पर्धांना नामदार गुलाबरावजी पाटील साहेब यांच्या मार्गदर्शनाखाली व प्रसंगी स्वतःच्या खिशातून आर्थिक व सर्वतोपरी मदत करून त्यांनी खेळाडूंना प्रोत्साहन दिले आहे. युवकांना संघटित करणे, पालकमंत्री गुलाबरावजी पाटील साहेब यांच्या जनहितार्थ कार्याची प्रेरणा देणे आणि दादासो प्रतापराव पाटील यांच्या कार्याचा लेखाजोखा जनसामान्यांपर्यंत पोहोचवण्यात त्यांचा मोठा वाटा राहिला आहे.
वैद्यकीय उपचारांची मदत असो वा पोलीस स्टेशनमधील अडचणीचे काम, अडल्या-नडल्यांच्या हाकेला धावून जाणारे ‘गुलाब भाऊंचे नम्र शिपाई’ म्हणून त्यांची ओळख आहे. प्रत्येक नागरिकाच्या सुख-दुःखात खंबीरपणे पाठीशी उभे राहणाऱ्या नवलसिंग राजे पाटील यांच्या क्रीडा क्षेत्रातील योगदानाची पावती आजवर खान्देशातील घराघरांत पोहोचली होती, परंतु आता पंजाबमधील क्रीडा प्रेमींनीही त्यांच्या या कार्याचा गौरव केला आहे.
स्पर्धेचे नियोजन:
-
स्पर्धेचे ठिकाण: गाव – बागोवाल, तालुका – बालाचौर, जिल्हा – नवांशहर (पंजाब)
-
विशेष स्वरूप: राष्ट्रीय व्हॉलीबॉल स्पर्धा
नामदार गुलाब भाऊंच्या या नम्र कार्यकर्त्याची राष्ट्रीय स्तरावर दखल घेतली गेल्याने खान्देशातील सर्व खेळाडू, कार्यकर्ते व क्रीडाप्रेमींमध्ये अभिमानाची आणि आनंदाची लाट पसरली आहे. त्यांच्या हातून असेच निरंतर समाजकार्य व क्रीडा क्षेत्राची सेवा घडत राहो, या शब्दांत राजकीय, सामाजिक व क्रीडा क्षेत्रातील मान्यवरांकडून त्यांच्यावर शुभेच्छांचा वर्षाव होत आहे.
