आखाडा लाईव्ह | जळगाव: जळगावच्या जागेवरून गेल्या काही दिवसांपासून भारतीय जनता पक्ष (भाजप) आणि शिवसेना यांच्यात चांगलीच खेचातानी सुरू होती. अखेर या राजकीय रस्सीखेचामध्ये जळगावची जागा भाजपच्या पदरात पडली आहे. मात्र, जागा हातातून गेल्यामुळे या ठिकाणी निवडणूक लढवण्यास पूर्णपणे तयारीत असलेल्या शिवसेनेच्या गोटातून आता वेगवेगळ्या प्रतिक्रिया उमटू लागल्या आहेत. या पार्श्वभूमीवर, शिवसेना भाजपविरोधात आपला उमेदवार रिंगणात उतरवणार का? की युतीधर्म पाळत भाजपचे नंदकिशोर महाजन यांचा आमदार होण्याचा मार्ग सुकर करणार? याकडे आता संपूर्ण जिल्ह्याचे लक्ष लागले आहे.
आमदारांची ‘मैत्रीपूर्ण लढती’ची मागणी
मिळालेल्या माहितीनुसार, जळगावची जागा भाजपकडे गेल्यामुळे स्थानिक शिवसेना नेत्यांमध्ये काहीशी नाराजी आहे. जिल्ह्यातील शिवसेनेच्या आमदारांनी थेट मुख्यमंत्री एकनाथ शिंदे यांची भेट घेतली होती. “जर जळगावची जागा भाजपकडे गेली, तर या ठिकाणी भाजपविरोधात शिवसेनेला ‘मैत्रीपूर्ण लढत’ करण्याची परवानगी देण्यात यावी,” अशी आग्रही मागणी या आमदारांनी मुख्यमंत्र्यांकडे केली होती.
एकनाथ शिंदेंच्या निर्णयाकडे सर्वांचे डोळे
आमदारांच्या या मागणीमुळे आता चेंडू थेट पक्षप्रमुख एकनाथ शिंदे यांच्या कोर्टात गेला आहे.
-
शिवसेना आपले राजकीय अस्तित्व आणि स्थानिक कार्यकर्त्यांची ताकद दाखवण्यासाठी भाजपविरोधात मैत्रीपूर्ण लढतीला परवानगी देणार?
-
की महायुतीचा धर्म पाळत सबुरीची भूमिका घेणार?
यावरच जळगावच्या जागेचे आगामी राजकीय समीकरण अवलंबून आहे. उपमुख्यमंत्री शिंदे आपल्या आमदारांची ही मागणी मान्य करतात की त्यांना शांत राहण्याचा सल्ला देतात, या उत्सकतेने जळगाव जिल्ह्यातील राजकीय वातावरण चांगलेच तापले आहे.
