आखाडा | जळगाव : विधानपरिषद निवडणुकीच्या रणांगणातून एक अत्यंत मोठी आणि राजकीय वर्तुळात खळबळ उडवून देणारी बातमी समोर येत आहे. निवडणूक रिंगणातील अपक्ष/बंडखोर उमेदवार रेशमाताई काळे यांनी अखेर आपली उमेदवारी जाहीरपणे मागे घेतली आहे. एवढेच नव्हे तर त्यांनी महायुतीचे अधिकृत उमेदवार नंदूभाऊ महाजन यांना आपला जाहीर पाठिंबा घोषित केला आहे.
उपमुख्यमंत्री एकनाथ शिंदेंच्या भेटीनंतर निर्णय
गेल्या काही दिवसांपासून रेशमाताई काळे यांच्या भूमिकेकडे सर्वांचे लक्ष लागले होते. अखेर आज त्यांनी राज्याचे उपमुख्यमंत्री तथा शिवसेना मुख्यनेते ना. एकनाथराव शिंदे यांची भेट घेतली. या महत्त्वपूर्ण भेटीदरम्यान मुख्यमंत्री एकनाथ शिंदे यांनी महायुतीचा धर्म पाळत, महायुतीच्या अधिकृत उमेदवाराच्या पाठीशी खंबीरपणे उभे राहण्याच्या सूचना रेशमाताई काळे यांना दिल्या.
“महायुतीची ताकद वाढवण्यासाठी आणि पक्षाची शिस्त राखण्यासाठी आपण हा निर्णय घेतला असून, नंदूभाऊ महाजन यांच्या विजयासाठी आम्ही पूर्ण ताकदीने मैदानात उतरू.” > — रेशमाताई काळे
महायुतीचे पारडे जड
रेशमाताई काळे यांनी घेतलेल्या या माघारीमुळे महायुतीचे उमेदवार नंदूभाऊ महाजन यांचे पारडे आता कमालीचे जड झाले आहे. काळे यांच्या पाठिंब्यामुळे महायुतीमधील अंतर्गत नाराजी नाट्य संपुष्टात आले असून, विरोधकांसमोर आता मोठे आव्हान उभे राहिले आहे. या घडामोडीमुळे महायुतीच्या कार्यकर्त्यांमध्ये उत्साहाचे वातावरण पाहायला मिळत आहे.
