आखाडा | जळगाव : जळगाव महानगरपालिकेत अखेर प्रशासकीय फेरबदल झाला असून, गेल्या अनेक दिवसांपासून सुरू असलेल्या चर्चांना पूर्णविराम मिळाला आहे. महापालिका आयुक्त ज्ञानेश्वर ढेरे यांची बदली करण्यात आली असून, त्यांच्या जागी २०२१ च्या बॅचचे तरुण आयएएस अधिकारी आदित्य जीवने यांची जळगावचे नवे आयुक्त म्हणून नियुक्ती झाली आहे. राज्य शासनाने आज प्रशासकीय बदल्यांचे आदेश जारी केले आहेत.
बदलीच्या चर्चेवर अखेर शिक्कामोर्तब!
ज्ञानेश्वर ढेरे यांच्या बदलीबाबत जळगावात गेल्या काही दिवसांपासून राजकीय आणि प्रशासकीय वर्तुळात उलट-सुलट चर्चा रंगत होत्या. आज राज्य शासनाने आयएएस अधिकाऱ्यांच्या बदल्यांची यादी जाहीर केल्याने या चर्चांवर अधिकृत शिक्कामोर्तब झाले आहे.
नवे आयुक्त आदित्य जीवने कोण आहेत?
जळगाव महापालिकेची सूत्रे हाती घेणारे आदित्य जीवने हे २०२१ च्या बॅचचे आयएएस (IAS) अधिकारी आहेत. जळगावात नियुक्ती होण्यापूर्वी ते छत्रपती संभाजीनगर येथे महावितरणचे संयुक्त संचालक (जॉईंट डायरेक्टर) म्हणून कार्यरत होते. त्यांच्या निमित्ताने जळगाव महापालिकेला एक तरुण आणि आयएएस दर्जाचा नवा चेहरा मिळाला आहे.
ढेरे यांच्या नव्या नियुक्तीबाबत सस्पेन्स कायम
नवे आयुक्त म्हणून आदित्य जीवने यांच्या नावा घोषणा झाली असली, तरी विद्यमान आयुक्त ज्ञानेश्वर ढेरे यांची बदली नेमकी कोणत्या विभागात किंवा कुठे करण्यात आली आहे, याबाबतचे आदेश अद्याप स्पष्ट झालेले नाहीत.
आदित्य जिवणे यांच्या सोबत खालील अधिकाऱ्यांच्या देखील बदल्या करण्यात आलेल्या आहेत.
1. डॉ. माधवी खोडे-चवरे (IAS:RR:2007)
पूर्वीचे पद : अतिरिक्त विभागीय आयुक्त, नागपूर विभाग, नागपूर.
नवीन पद : सचिव, अल्पसंख्याक विकास विभाग, मंत्रालय, मुंबई.
2. सुनील महिंद्रकर (IAS:SCS:2015)
नवीन नियुक्ती : अतिरिक्त मुद्रांक नियंत्रक (Additional Controller of Stamp), मुंबई
3. अनिता मेश्राम (IAS:SCS:2015)
पूर्वीचे पद : मुख्य कार्यकारी अधिकारी (CEO), जिल्हा परिषद, अकोला
नवीन पद : आयुक्त, मनरेगा (MGNREGS), नागपूर
